ഉപതിരഞ്ഞെടുപ്പിൽ നാമനിർദേശ പത്രിക പിൻവലിക്കാനുള്ള അവസാനദിവസവും യുഡിഎഫിന് മുന്നിൽ പുതിയ ഉപാധികൾവെച്ച് പി.വി. അൻവർ രംഗത്ത് എത്തിയിരുന്നു, അടുത്തതവണ യുഡിഎഫിന് ഭരണം കിട്ടിയാൽ മന്ത്രിയാക്കണമെന്നും ആഭ്യന്തരവകുപ്പും വനംവകുപ്പും നൽകണമെന്നും അല്ലെങ്കിൽ വി.ഡി. സതീശനെ യുഡിഎഫിന്റെ നേതൃസ്ഥാനത്തുനിന്ന് മാറ്റിയാൽ മതിയെന്നുമാണ് പി.വി. അൻവറിന്റെ ഉപാധി.
ഇത് രണ്ടും അംഗീകരിച്ചാൽ യുഡിഎഫിന്റെ മുന്നണിപടയാളിയായി താൻ രംഗത്തുണ്ടാകുമെന്നും അൻവർ പറയുന്നു. പിന്നാലെ ട്രോളുമായി കോൺഗ്രസ് നേതാവ് വിടി ബൽറാം രംഗത്തെത്തി. പ്രതിരോധ വകുപ്പും വിദേശകാര്യ വകുപ്പും കൂടി ചോദിക്കാമായിരുന്നുവെന്നാണ് വിടി ബൽറാം ഫേസ്ബുക്ക് കുറിപ്പിൽ പങ്കുവെച്ചത്.
