വി.ഡി. സതീശൻ മുഖ്യമന്ത്രിയായതോടെ ബി.ജെ.പി.യുടെ ബി ടീമായിരുന്ന യു.ഡി.എഫ് ഇപ്പോൾ 'എ' ടീമായി മാറിയിരിക്കുകയാണെന്ന് സി.പി.ഐ.എം സംസ്ഥാന സെക്രട്ടറിയേറ്റ് അംഗം എം.വി. ജയരാജൻ. ഭരണിക്കാവിൽ നടന്ന ഇ. കാസിം അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ആർ.എസ്.എസിന്റെ പ്രാർത്ഥനാ ഗീതം ഏറ്റുചൊല്ലാൻ യാതൊരു മടിയുമില്ലാത്ത യു.ഡി.എഫ് നേതാക്കളാണ് ഇപ്പോൾ കേരളം ഭരിക്കുന്നതെന്നും അദ്ദേഹം കുറ്റപ്പെടുത്തി.
ദേശീയതലത്തിൽ 'ഇന്ത്യ' മുന്നണിയുടെ ഭാഗമായി പ്രവർത്തിക്കുന്ന കക്ഷികൾക്കെതിരെ കേന്ദ്രസർക്കാർ രാഷ്ട്രീയ വേട്ട നടത്തുമ്പോൾ അതിനെ പിന്തുണയ്ക്കുന്ന നിലപാടാണ് കോൺഗ്രസ് സ്വീകരിക്കുന്നത്. കോൺഗ്രസ് നേതാക്കളെ ലക്ഷ്യമിട്ട് ഇ.ഡി റെയ്ഡ് നടത്തുമ്പോൾ ഇന്ത്യ ബ്ലോക്കിലെ എല്ലാ കക്ഷികളും അതിനെ ശക്തമായി അപലപിച്ചിരുന്നു.
എന്നാൽ, മുഖ്യമന്ത്രി പിണറായി വിജയന്റെ വസതിയിൽ റെയ്ഡ് നടന്നപ്പോൾ അതിനെ അപലപിക്കാൻ കോൺഗ്രസ് തയ്യാറായില്ലെന്നും ജയരാജൻ ചൂണ്ടിക്കാട്ടി.
തൊഴിലാളി ദിനത്തിൽ വി.ഡി. സതീശൻ അദാനിയുടെ പ്രത്യേക ഫ്ലൈറ്റിൽ മംഗലാപുരത്ത് എത്തി എൻ.ഡി.എ നേതാക്കളെ കണ്ടത് ബി.ജെ.പിയുമായി നിലനിൽക്കുന്ന രഹസ്യ ഡീലിന്റെ ഭാഗമാണെന്നും എം.വി. ജയരാജൻ ആരോപിച്ചു.
