ചിന്നക്കനാലിൽ കാട്ടാനയുടെ ആക്രമണത്തിൽ പരിക്കേറ്റ് കോട്ടയം മെഡിക്കൽ കോളേജിൽ ചികിത്സയിൽ കഴിയുന്ന കുട്ടിയെ പ്രതിപക്ഷ നേതാവ് പിണറായി വിജയൻ നേരിട്ടെത്തി സന്ദർശിച്ചു. കുട്ടിയുമായി സംസാരിച്ച് ആരോഗ്യവിവരങ്ങൾ അന്വേഷിച്ച അദ്ദേഹം, കുട്ടിക്ക് ഇപ്പോഴും വേദനയുണ്ടെന്നും എങ്കിലും അസുഖം വേഗത്തിൽ മാറുമെന്ന ശുഭപ്രതീക്ഷയുണ്ടെന്നും മാധ്യമങ്ങളോട് പ്രതികരിച്ചു.
അതീവ നിർഭാഗ്യകരമായ ഈ സംഭവത്തിൽ കുട്ടിക്ക് ഏറ്റവും മികച്ച ചികിത്സ ഉറപ്പാക്കണമെന്നും വന്യജീവി ശല്യം തടയുന്നതിൽ സർക്കാർ അടിയന്തരവും ഫലപ്രദവുമായ നടപടികൾ സ്വീകരിക്കണമെന്നും അദ്ദേഹം ആവശ്യപ്പെട്ടു.
മുൻ സർക്കാർ നേരത്തെ തുടക്കം കുറിച്ച പദ്ധതികൾക്ക് തുടർച്ചയുണ്ടാകണമെന്നും ഭാവിയിൽ ഇത്തരം അപകടങ്ങൾ ഒഴിവാക്കാൻ ആവശ്യമായ മുൻകരുതലുകൾ വേണമെന്നും വ്യക്തമാക്കിയ അദ്ദേഹം, ‘സർക്കാർ മാറിയത് ആന അറിഞ്ഞില്ല’ എന്ന് പറയുന്നത് ഒന്നിനും ഒരു മറുപടിയല്ലെന്ന് ഭരണകൂടത്തെ വിമർശിച്ചുകൊണ്ട് ഓർമ്മിപ്പിച്ചു.
