സോണിയ ഗാന്ധിയുടെ ആത്മകഥയുടെ പ്രസിദ്ധീകരണത്തിൽ നിന്ന് പെൻഗ്വിൻ ഇന്ത്യ പിന്മാറിയ സംഭവത്തിൽ കേന്ദ്ര സർക്കാരിനെതിരെ രൂക്ഷ വിമർശനവുമായി കോൺഗ്രസ്. ബിജെപി സർക്കാർ ജനങ്ങൾ പുസ്തകം വായിക്കുന്നതിനെ ഭയപ്പെടുന്നുവെന്ന് കോൺഗ്രസ് നേതാവ് ഗൗരവ് ഗെഗോയി ആരോപിച്ചു. പ്രസാധകരെ സമ്മർദ്ദത്തിലാക്കിയാണ് പുസ്തകത്തിന്റെ പ്രസിദ്ധീകരണം തടയാൻ മോദി സർക്കാർ ശ്രമിച്ചതെന്നും കോൺഗ്രസ് ആരോപിക്കുന്നു.
നരേന്ദ്ര മോദി, ആർഎസ്എസ്, ചൈനയുടെ ഇന്ത്യൻ അതിർത്തി കയ്യേറ്റം തുടങ്ങിയ വിഷയങ്ങളുമായി ബന്ധപ്പെട്ട പരാമർശങ്ങൾ പുസ്തകത്തിൽ നിന്ന് ഒഴിവാക്കാൻ പെൻഗ്വിനിന് മേൽ സമ്മർദ്ദമുണ്ടായെന്നാണ് കോൺഗ്രസ് നേതാവും രാജസ്ഥാൻ മുൻ മുഖ്യമന്ത്രിയുമായ അശോക് ഗെഹ്ലോട്ട് ആരോപിച്ചത്. ഇന്ത്യയിൽ മാത്രമാണ് പ്രസാധകർ ഇത്തരം മാറ്റങ്ങൾ ആവശ്യപ്പെടുന്നതെന്നും അദ്ദേഹം ചൂണ്ടിക്കാട്ടി.
അതേസമയം, വിഷയത്തിൽ കോൺഗ്രസിനെ പരിഹസിച്ച് ബിജെപി നേതാവ് അമിത് മാളവ്യ രംഗത്തെത്തി. സോണിയ ഗാന്ധിയുടെ ഓർമ്മക്കുറിപ്പുകളാണോ പരിശോധിക്കപ്പെടേണ്ടത്, അതോ ‘വസ്തുതയും ഭാവനയും തമ്മിലുള്ള മങ്ങിയ അതിർത്തിയാണോ’ പരിശോധിക്കപ്പെടേണ്ടതെന്ന് അദ്ദേഹം ചോദിച്ചു. പുസ്തകത്തിലെ ഉള്ളടക്കത്തിന്റെ വിശ്വാസ്യതയെ കുറിച്ചും മാളവ്യ സംശയം ഉന്നയിച്ചു.
സോണിയ ഗാന്ധിയുടെ ആത്മകഥയെ ചുറ്റിപ്പറ്റിയുള്ള ഈ വിവാദം ദേശീയ രാഷ്ട്രീയത്തിൽ പുതിയ ചർച്ചകൾക്ക് വഴിവെച്ചിരിക്കുകയാണ്.
