രാജ്യത്ത് ഉന്നത വിദ്യാഭ്യാസം നേടുന്ന പെണ്‍കുട്ടികളുടെ എണ്ണം വര്‍ധിക്കുന്ന സംസ്ഥാനങ്ങളിൽ മുന്നിട്ട് കേരളം. തെലങ്കാന, ഹരിയാന, അസം എന്നീ സംസ്ഥാനങ്ങളും പട്ടികയിലുണ്ട്. ഓള്‍ ഇന്ത്യ സര്‍വേ ഫോര്‍ ഹയര്‍ എഡ്യൂക്കേഷന്റെ സര്‍വേ പ്രകാരം 2020-21 കാലഘട്ടത്തിലെ കണക്കുകളാണ് പുറത്തു വിട്ടിരിക്കുന്നത്.

ഹിമാചല്‍ പ്രദേശ്, ജമ്മു കശ്മീര്‍, മേഘാലയ, ഛത്തീസ്ഗഡ് എന്നീ സംസ്ഥാനങ്ങളും തൊട്ട് പിന്നിലുണ്ട്. റിപ്പോര്‍ട്ട് പ്രകാരം ആകെ 2,06,91,792 പെൺകുട്ടികളാണ് പ്രവേശനം നേടിയത്. 2021-22 ല്‍ ഉന്നത വിദ്യാഭ്യാസ സ്ഥാപനങ്ങളിലെ ആകെ പ്രവേശനം 4,32,68,181 ആയിരുന്നു.

യൂണിവേഴ്സിറ്റികളിലും മറ്റ് കോളേജുകളിലുമായി 3,14,59,092 പേരും പ്രവേശനം നേടി. പട്ടിക ജാതി വിദ്യാര്‍ത്ഥികളുടെ പ്രവേശനം 2014-15 ലെ 46.07 ലക്ഷവുമായി താരതമ്യപ്പെടുത്തുമ്പോള്‍ 2021-22 ല്‍ 66.23 ലക്ഷമാണ്. 44 ശതമാനം വര്‍ധനവാണ് ഉണ്ടായത്.