ശബരിമലയിൽ ഈ പ്രാവശ്യം സ്പോട്ട് ബുക്കിംഗ് ഉണ്ടാവില്ലെന്ന് മന്ത്രി വിഎൻ വാസവൻ. ബുക്കിംഗ് നടത്താതെ തീർത്ഥാടകർ എത്തിയാൽ അക്കാര്യം പരിശോധിക്കുമെന്നും മന്ത്രി പറഞ്ഞു. നിലക്കലിലും എരുമേലിയിലും കൂടുതൽ പാർക്കിംഗ് ക്രമീകരണം ഏർപ്പെടുത്തിയിട്ടുണ്ടെന്ന് അദ്ദേഹം അറിയിച്ചു.

ഇന്നലത്തെ യോഗത്തിൽ എഡിജിപി അജിത് കുമാർ പങ്കെടുക്കാതിരുന്നത് നടന്ന യോഗം ക്രമസമാധാന പ്രശ്നം ചർച്ച ചെയ്യാനുള്ളതല്ലാത്തതിനാലാണ്. അതുകൊണ്ടാണ് എഡിജിപിയെ ക്ഷണിക്കാതിരുന്നതെന്ന് മന്ത്രി അറിയിച്ചു. ക്രമസമാധാനം ചർച്ച ചെയ്യുന്ന യോഗത്തിൽ ADGP യെ വിളിക്കുമെന്നും അദ്ദേഹം കൂട്ടിച്ചേർത്തു

മാധ്യമപ്രവർത്തകർക്ക് അക്രഡിറ്റേഷൻ നിർബന്ധമാക്കിയത് ഹൈക്കോടതിയാണെന്നും ദേവസ്വം ബോർഡിന് പകരം ക്രമീകരണം ഏർപ്പെടുത്താൻ കഴിയുമോയെന്ന് കോടതിയെ അറിയിക്കുമെന്നും മന്ത്രി പറഞ്ഞു.