തമിഴ്നാട് എല്‍ഐസി വെബ്സൈറ്റില് ഹിന്ദി ഭാഷ: സാംസ്‌കാരിക അടിച്ചേല്‍പ്പിക്കല്‍ പാടില്ലെന്ന് സ്റ്റാലിന്‍
അഡ്മിൻ
തമിഴ്നാട്ടിലെ ലൈഫ് ഇന്‍ഷുറന്‍സ് കോര്‍പ്പറേഷന്റെ (എല്‍ഐസി) വെബ്സൈറ്റില് ഹിന്ദി ഭാഷ ഉപയോഗിക്കുന്നതിനെ തമിഴ്നാട് മുഖ്യമന്ത്രി എംകെ സ്റ്റാലിന്‍ നിശിതമായി വിമര്‍ശിച്ചു. പോര്‍ട്ടല്‍ ഹിന്ദി അടിച്ചേല്‍പ്പിക്കാനുള്ള ഒരു പ്രചരണ ഉപകരണമായി ചുരുക്കിയിരിക്കുകയാണെന്ന് സ്റ്റാലിന്‍ ആരോപിച്ചു.
'എല്‍ഐസി വെബ്സൈറ്റ് ഹിന്ദി അടിച്ചേല്‍പ്പിക്കാനുള്ള ഒരു പ്രചരണ ഉപകരണമായി ചുരുക്കിയിരിക്കുന്നു. ഇംഗ്ലീഷ് തിരഞ്ഞെടുക്കാനുള്ള ഓപ്ഷന്‍ പോലും ഹിന്ദിയില്‍ പ്രദര്‍ശിപ്പിക്കുന്നു!' എക്സിലെ ഒരു പോസ്റ്റില്‍ ഡിഎംകെ മേധാവി പറഞ്ഞു. ഹിന്ദിയുടെ ഉപയോഗം സാംസ്‌കാരിക അടിച്ചേല്‍പ്പിക്കലാണെന്നും ഭാഷാപരമായ സ്വേച്ഛാധിപത്യം ഉടനടി പിന്‍വലിക്കണമെന്നും അദ്ദേഹം പറഞ്ഞു.
'ഇത് ഇന്ത്യയുടെ വൈവിധ്യത്തെ ചവിട്ടിമെതിച്ചുകൊണ്ട് ബലപ്രയോഗത്തിലൂടെയുള്ള സാംസ്‌കാരികവും ഭാഷാപരവുമായ അടിച്ചേല്‍പ്പിക്കലല്ലാതെ മറ്റൊന്നുമല്ല. എല്ലാ ഇന്ത്യക്കാരുടെയും രക്ഷാകര്‍തൃത്വത്തോടെയാണ് എല്‍ഐസി വളര്‍ന്നത്. ഏറ്റവുമധികം സംഭാവന നല്‍കിയവരെ ഒറ്റിക്കൊടുക്കാന്‍ അതിന് എങ്ങനെ ധൈര്യം വന്നു?' സ്റ്റാലിന്‍ ചോദിച്ചു.
'മറ്റ് ഭാഷ സംസാരിക്കുന്ന ആളുകളുടെ മേല്‍ ഹിന്ദി അടിച്ചേല്‍പ്പിക്കല്‍' ആണിതെന്ന് പിഎംകെ സ്ഥാപകനായ ഡോ എസ് രാമദോസ് കുറ്റപ്പെടുത്തി.
