പി വി അൻവറിന് കോടതിയുടെ നോട്ടീസ്. മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശി നൽകിയ പരാതിയിലാണ് നോട്ടീസ്. കണ്ണൂർ ഒന്നാം ക്ലാസ് മജിസ്‌ട്രേറ്റ് കോടതിയാണ് നോട്ടീസ് അയച്ചത്. ഡിസംബർ മൂന്നിന് പി വി അൻവർ കോടതിയിൽ ഹാജരാകണം.

അതേസമയം, വിവിധ സമയങ്ങളിലായി പി ശശിക്കെതിരെ അൻവർ 16 ഗുരുതര ആരോപണങ്ങൾ ഉന്നയിച്ചിരുന്നു. ഈ ആരോപണങ്ങൾ പിൻവലിച്ച് മാപ്പ് പറയണമെന്ന് ആവശ്യപ്പെട്ട് ശശി അയച്ച വക്കീൽ നോട്ടീസിന് അൻവർ മറുപടി നൽകിയിരുന്നില്ല. ഇതേ തുടർന്നാണ് അൻവറിനെതിരെ ശശി കോടതിയിൽ ക്രിമിനൽ കേസ് ഫയൽ ചെയ്തത്.