ലക്‌നൗ: നിയമം കൈയിലെടുത്തും  രാമക്ഷേത്രം നിര്‍മ്മിക്കുമെന്നു ബി.ജെ.പി നേതാവ് സുരേന്ദ്ര സിങ്. വേണ്ടിവന്നാൽ  നവംബര്‍ 25ന് അയോധ്യയില്‍ 1992 ആവര്‍ത്തിക്കുമെന്നും അദ്ദേഹം അവകാശപ്പെട്ടു. രണ്ട് ലക്ഷത്തോളം പ്രവര്‍ത്തകരെ പങ്കെടുപ്പിച്ച് അയോധ്യയില്‍ രാമക്ഷേത്രത്തിന് നിയമനിര്‍മ്മാണം നടത്തണമെന്നാവശ്യപ്പെട്ട് നവംബര്‍ 25 ഞായറാഴ്ച വി.എച്ച്.പിയും സംഘപരിവാര്‍ സംഘടനകളും പ്രക്ഷോഭം നടത്താൻ തീരുമാനിച്ചിട്ടുണ്ട്. 

സംഘര്‍ഷം ഭയന്ന് ഫൈസാബാദിലെ വ്യാപാരികളെല്ലാം സംഘപരിവാര്‍ പരിപാടി ബഹിഷ്‌ക്കരിക്കാന്‍ തീരുമാനിച്ചിട്ടുണ്ട്. കനത്ത സുരക്ഷയാണ് മേഖലയില്‍ പൊലീസ് ഒരുക്കിയിരിക്കുന്നത്.ഇപ്പോൾ ദര്‍ശനത്തിന് എത്തുന്നവര്‍ക്ക് മാത്രമേ വിവാദ സ്ഥലത്തേക്ക്  പ്രവേശനമനുവദിക്കുന്നുള്ളു.