തിരുവനന്തപുരം: ശബരിമല ഉൾപ്പെടെയുള്ള ക്ഷേത്രങ്ങളിൽ കാണിക്കയിടരുതെന്ന ആഹ്വാനവുമായി വീണ്ടും ഹിന്ദു ഐക്യവേദി സംസ്ഥാന അധ്യക്ഷ ശശികല. ക്ഷേത്രങ്ങൾ ഭക്തർക്ക് കൈമാറട്ടെ അതുവരെ കാണിക്കയിടരുത്. ഇത് ആഹ്വാനമാണ്, ഇ നടപടിക്ക് വേണ്ടി അറസ്റ്റ് വരിക്കാനും തയ്യാറാണെന്ന് അവർ കൂട്ടിച്ചെർത്തു. സെക്രട്ടേറിയറ്റ് നടക്കല്‍ ശബരിമയിലെ പോലീസ് നടപടികളിൽ പ്രതിഷേധിച്ച് ശബരിമല കര്‍മ സമിതി നടത്തിയ സമരത്തില്‍ സംസാരിക്കുകയായിരുന്നു ശശികല.

ദേവസ്വം ബോര്‍ഡിന്റെ കീഴിലുള്ള ക്ഷേത്രങ്ങളില്‍ ഭക്തര്‍ കാണിക്ക ഇടരുതെന്ന് കഴിഞ്ഞ ദിവസം ശോഭാ സുരേന്ദ്രനും പറഞ്ഞിരുന്നു. ശബരിമല നട വരവ് കുറയ്ക്കുകയെന്നത് ബി.ജെ.പിയുടെ പ്രഖ്യാപിത ലക്ഷ്യമാണെന്നും അവർ അവകാശപ്പെട്ടിരുന്നു.