തിരുവനന്തപുരം : ശബരിമലയിലെ യുവതി പ്രവേശനത്തില്‍ മഹിളാമോര്‍ച്ച പ്രവര്‍ത്തകരുടെ നെത്ര്വതത്തിൽ തിരുവനന്തപുരത്ത് പ്രതിഷേധം.  പ്രതിഷേധക്കാര്‍ പോലീസിനെ മറികടന്ന് സെക്രട്ടേറിയറ്റ് വളപ്പില്‍ കയറി. മുഖ്യമന്ത്രിയുടെ ഓഫീസിനു 100 മീറ്റര്‍ അടുത്തുവരെ എത്തി.ഇവരെ പോലീസ് അറസ്റ്റു ചെയ്തുനീക്കി. ഇവരെ വിട്ടയക്കണമെന്ന് ആവശ്യപ്പെട്ട് സെക്രട്ടേറിയറ്റിനു മുന്നില്‍ എം.സി റോഡ് ഉപരോധിച്ച് പ്രതിഷേധിക്കുകയാണ്.

പ്രതിഷേധം റിപ്പോര്‍ട്ട് ചെയ്ത മാധ്യമപ്രവര്‍ത്തകര്‍ക്ക് നേരെയും  കയ്യേറ്റശ്രമവുമുണ്ടായി. സംസ്ഥാന വ്യാപകമായി ബി.ജെ.പി തെരുവില്‍ സമരം ശക്തമാക്കുകയാണ്. കൊച്ചിയിലും കൊട്ടാരക്കരയിലും നെയ്യാറ്റിന്‍കരയിലും ശബരിമല കര്‍മ്മസമിതിയുടെ നേതൃത്വത്തില്‍ റോഡ് ഉപരോധിച്ച് പ്രതിഷേധം തുടരുകയാണ്. കൊട്ടാരക്കരയില്‍ കടകള്‍ അടപ്പിക്കുന്നുണ്ട്. പ്രകോപനപരമായ മുദ്രാവാക്യം വിളിച്ചാണ് മുഖ്യമന്ത്രിക്കെതിരെ പ്രതിഷേധം നടക്കുന്നത്