ആലപ്പാട് കരിമണല്‍ ഖനന വിരുദ്ധ സമരത്തില്‍ നിലപാട് വ്യക്തമാക്കി സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്‍. സമരം രമ്യമായി പരിഹരിക്കുമെന്ന് കോടിയേരി പറഞ്ഞു. ജനങ്ങളുടെ ആശങ്ക പരിഹരിക്കാന്‍ സര്‍ക്കാര്‍ ബാധ്യസ്ഥമാണ്. പരിസ്ഥിതിയെ സംരക്ഷിച്ചുകൊണ്ടുള്ള വ്യവസായമാണ് സര്‍ക്കാര്‍ ലക്ഷ്യമെന്നും കോടിയേരി പറഞ്ഞു.

സമരം ചെയ്യുന്നവരുടെ ന്യായമായ പ്രശ്‌നങ്ങള്‍ സര്‍ക്കാര്‍ ഇടപെട്ട് ദൂരീകരിക്കും. പ്രദേശവാസികള്‍ക്ക് പുറമെ സമരത്തില്‍ പങ്കെടുക്കുന്നവര്‍ക്ക് ദുരുദ്ദേശങ്ങള്‍ ഉണ്ടാകാമെന്നും കോടിയേരി പറഞ്ഞു. ജില്ലയ്ക്ക് പുറത്ത് നിന്നുള്ളവരുടെ സാന്നിധ്യം ദുരൂഹമാണെന്ന് വ്യവസായ മന്ത്രി ഇ.പി ജയരാജനും പ്രസ്താവിച്ചിരുന്നു.