ആഗ്ര: പ്രധാനമന്ത്രി കിസാന്‍ സമ്മാന്‍ നിധി പദ്ധതി പ്രകാരം ലഭിച്ച 2000 രൂപ  മുഖ്യമന്ത്രി യോഗി ആദിത്യനാഥിന് തിരികെ നല്‍കി കർഷകൻ. കര്‍ഷകനായ പ്രദീപ് ശര്‍മ്മയാണ് ധനസഹായം  മുഖ്യമന്ത്രിയ്ക്ക് തിരിച്ചുനൽകി പ്രതിഷേധിച്ചത്.  ഉരുളക്കിഴങ്ങ് കര്‍ഷകനാണ് പ്രദ്ദേപ് ശർമ്മ . 

മുപ്പത്തിയഞ്ചു ലക്ഷത്തിന്റെ കടബാധ്യത തനിക്കുണ്ട്, വാടക വീട്ടിലാണ് താമസം,  വീട്ടുചെലവുകള്‍ കണ്ടെത്താന്‍ തന്നെ ബുദ്ധിമുട്ടുകയാണെന്നും പ്രദീപ് പറഞ്ഞു. സര്‍ക്കാറിന് തന്നെ സഹായിക്കാന്‍ കഴിയില്ലെങ്കില്‍ സ്വയം മരിക്കാനുള്ള അനുവാദമെങ്കിലും യോഗി നല്‍കണം’ എന്നാണ് പ്രദീപ് ശര്‍മ്മ ആവശ്യപ്പെടുന്നത്. ആത്മഹത്യയിലേക്കാണ്‌ രാജ്യത്തെകർഷകർ മുഴുവൻ നീങ്ങുന്നതെന്നും, സർക്കാരിന്റെ വാഗ്ദാനങ്ങൾ പാഴ്വാക്കാണെന്നും  കർഷകർപറയുന്നു.