ലോകസഭാ തെരഞ്ഞെടുപ്പിൽ കള്ളവോട്ടിട്ടതുമായി ബന്ധപ്പെട്ടു ഒമ്പതു മുസ്‌ലിം ലീഗ് പ്രവർത്തകർക്കെതിരെയും ഒരു സി.പി.എം പ്രവർത്തകനെതിരെയും കേസെടുത്തു. കുറ്റക്കാർക്കെതിരെ ഇന്ത്യൻ ശിക്ഷാ നിയമം സെക്ഷൻ 171 സി, ഡി. എഫ് വകുപ്പ് പ്രകാരവും, ജനപ്രാതിനിധ്യ നിയമപ്രകാരമാണ് കേസെടുത്തത്.

കണ്ണൂരിലെ പാമ്പുരുത്തിയിലും ധർമ്മടത്തും കള്ളവോട്ട് നടന്നതായി മുഖ്യ തിരഞ്ഞെടുപ്പ് ഓ‌ഫീസർ ടീക്കാറാം മീണ സ്ഥിരീകരിച്ചു. പാമ്പുരുത്തിയിൽ 12ഉം ധർമ്മടത്ത് ഒരു കള്ളവോട്ടുമാണ് നടന്നത്. പരാതിയെ തുടർന്ന് ഒമ്പതു മുസ്‌ലിം ലീഗ് പ്രവർത്തകർക്കും ഒരു സി.പി.എം പ്രവർത്തകനുമെതിരെ കേസെടുത്തു. ജനപ്രാതിനിധ്യ നിയമപ്രകാരമാണ് കേസെടുത്തത്.