തമിഴ്‌നാട്ടിൽ വമ്പിച്ച വിജയം നേടിയ നടൻ വിജയ് മേയ് 7-ന് സത്യപ്രതിജ്ഞ ചെയ്യുമെന്ന സൂചനകൾ. ടിവികെയുടെ തിളക്കമേറിയ വിജയത്തിന് പിന്നാലെ ചെന്നൈയിലെ വിജയിയുടെ വസതിയിൽ തിരക്കേറിയ രാഷ്ട്രീയ ചർച്ചകൾ നടക്കുന്നതായി റിപ്പോർട്ടുകൾ പറയുന്നു. സംസ്ഥാനത്ത് അധികാരം നേടാൻ ടിവികെ കോൺഗ്രസിന്റെ പിന്തുണ തേടിയതായും വിവരം.

ഇതിനായി വിജയ് സംഘടനാകാര്യ ജനറൽ സെക്രട്ടറി കെ.സി. വേണുഗോപാലിന് കത്ത് അയച്ചതായാണ് സൂചന. തമിഴ്നാട്ടിൽ ഡിഎംകെ സഖ്യത്തിന്റെ ഭാഗമായി മത്സരിച്ച കോൺഗ്രസിന് അഞ്ച് സീറ്റുകളാണ് ലഭിച്ചത്. വിഷയത്തിൽ കോൺഗ്രസ് അധ്യക്ഷൻ മല്ലികാർജുന ഖർഗെയും രാഹുൽ ഗാന്ധിയും കൂടിയാലോചിച്ച ശേഷമേ അന്തിമ തീരുമാനം എടുക്കൂവെന്നാണ് റിപ്പോർട്ടുകൾ വ്യക്തമാക്കുന്നത്.