തെരഞ്ഞെടുപ്പ് ഫല പ്രഖ്യാപനം പുറത്തു വന്ന് 7 ദിവസം കഴിഞ്ഞിട്ടും മുഖ്യമന്ത്രിയെ പ്രഖ്യാപിക്കാത്തതിൽ കടുത്ത അതൃപ്തി രേഖപ്പെടുത്തി സഖ്യ കക്ഷിയായ മുസ്ലീം ലീഗ്. വോട്ടർമാരോട് മറുപടി പറയാൻ കഴിയുന്നില്ലെന്ന് ലീഗ് മലപ്പുറം ജില്ല ജനറൽ സെക്രട്ടറി പി. അബ്ദുൽ ഹമീദ് മാസ്റ്റർ വ്യക്തമാക്കി.

'നാലാള് കൂടുന്നിടത്ത് പോകാൻ പറ്റുന്നില്ല. എംഎൽഎമാരുടെ വിജയാഹ്ളാദ പ്രകടനം പോലും നടത്താൻ പറ്റുന്നില്ല. ഇങ്ങനെ നീണ്ടുപോകാൻ കഴിയില്ല. ഗവൺമെൻ്റ് അധികാരത്തിൽ വന്നതിന് ശേഷം ഒരുപാട് കാര്യങ്ങൾ ചെയ്തെടുക്കാൻ ഉണ്ട്. ജനങ്ങൾ തന്ന വിജയം മറന്ന് പ്രവർത്തിച്ചു കൂടാ എന്നും അബ്ദുൾ ഹമീദ് മാസ്റ്റർ കുറ്റപ്പെടുത്തി.