കൊച്ചി: ശബരിമല ദര്‍ശനത്തിന് എത്തിയ ഭൂമാതാ ബ്രിഗേഡ് നേതാവ് തൃപ്തി ദേശായിക്കും സംഘത്തിനും സംരക്ഷണം നൽകില്ലെന്നു പോലീസ്. എന്നാൽ ഇത് രേഖാമൂലം എഴുതി നൽകണമെന്ന് തൃപ്തി ദേശായ്ക്കൊപ്പം ഉണ്ടായിരുന്ന എഴങ്ക    സംഘം  ആവശ്യപെട്ടു. എന്നാൽ ഇതിനു പോലീസ് തയ്യാറായില്ല. ശബരിമല ദർശനം നടത്തത്തെ മടങ്ങില്ലയെന്ന നിലപാടിൽ നിൽക്കുകയാണ് ദേശായി. 

ഇതിനിടെ തൃപ്തിയെ സന്ദർശിക്കാനെത്തിയ ബിന്ദു അമ്മിണിക്കു നേരെ  കൊച്ചിയിലെ പോലീസ് ആസ്ഥാനത്തിനു മുന്നിൽ ആക്രമണം നടന്നു. കമ്മീഷണർ ഓഫീസിനു മുന്നിലെത്തിയ ബിന്ദു അമ്മിണിയുടെ മുഖത്ത് ഹിന്ദു ഹെല്പ് ലൈൻ പ്രവർത്തകനായ ശ്രീനാഥ് പദ്മനാഭൻ  ആണ് മുളക് സ്പ്രേ പ്രയോഗിച്ചത്. ഇയാളെ പിന്നീട് അറസ്റ്റ് ചെയ്തു