കോട്ടയം പള്ളിക്കത്തോട് തോക്ക് നിര്‍മ്മാണ കേസില്‍ ബിജെപി പ്രവര്‍ത്തകനടക്കം രണ്ടുപേര്‍കൂടി അറസ്റ്റിലായി. മുക്കാലി കദളിമറ്റം കെ എൻ വിജയനാണ്‌ പള്ളിക്കത്തോട്‌ പൊലീസിന്റെ പിടിയിലായത്‌. ഇയാൾ ആർഎസ്‌എസ്‌ നിയന്ത്രണത്തിലുള്ള പള്ളിക്കത്തോട്‌ അരവിന്ദ സ്‌കൂളിലെ മുൻ അധ്യാപകനും നിലവിലെ ബോർഡംഗവുമാണ്‌. ഇയാളോടൊപ്പം രാജൻ രതീഷ്‌ ചന്ദ്രൻ എന്നിവരും അറസ്‌റ്റിലായി. ഇതോടെ അറസ്റ്റിലായവരുടെ എണ്ണം ആറായി. പത്ത് തോക്ക്, തോക്ക് നിര്‍മ്മാണ സാമഗ്രികള്‍, വെടിയുണ്ടകള്‍ എന്നിവ ഇവരില്‍ നിന്നും പിടിച്ചെടുത്തിട്ടുണ്ട്.

ബിജെപി ജില്ലാ നേതൃത്വത്തോടെല്ലാം അടുത്ത ബന്ധമുള്ള വ്യക്തിയാണ് പിടിയിലായ വിജയൻ. ഇവരെ റിമാൻഡ്‌ ചെയ്‌തിരിക്കുകയാണ്. ഇന്നലെ ആയിരുന്നു ഈ കേസുമായി ബന്ധപ്പെട്ട് ആദ്യ അറസ്റ്റ് നടന്നത്. പൊലീസ് വിശദമായ അന്വേഷണം ആരംഭിച്ചിട്ടുണ്ട്.