കടവത്തൂർ മുണ്ടത്തോട‌് കൊല്ലംമുക്കിലെ എസ‌്ഡിപിഐ കേന്ദ്രത്തിൽ നിന്ന‌് പൈപ്പ‌് ബോംബ‌് കണ്ടെത്തി. കണ്ണൂരിൽനിന്നുള്ള ബോംബ‌് സ‌്ക്വാഡ‌് നടത്തിയ പരിശോധനയിൽ തോട്ടുമ്മൽ മൂസമാഷുടെ ഉടമസ്ഥതയിലുള്ള സ്ഥലത്തുനിന്നാണ‌് അത്യുഗ്ര സ‌്ഫോടകശേഷിയുള്ള ബോംബ‌് കണ്ടെത്തിയത‌്.

സ്ഥലത്തിന‌് അതിരുകെട്ടാൻ ജെസിബി ഉപയോഗിച്ച‌് കുഴിയെടുക്കുന്നതിനിടെ സംശയകരമായ നിലയിൽ പൈപ്പ‌് കണ്ടതിനെ തുടർന്നായിരുന്നു പരിശോധന. ശനിയാഴ‌്ച പകൽ 12മണിയോടെ എസ‌്ഐ ടി വി ശശിധരന്റെ നേതൃത്വത്തിലുള്ള ബോംബ‌് സ‌്ക്വാഡ‌് സ്ഥലത്തെത്തിയാണ‌് പുറത്തെടുത്ത‌്. ഫ്യൂസ‌് വയർ സംവിധാനത്തോട‌് കൂടിയുള്ളതാണ‌് ബോംബ‌്. എസ‌്ഡിപിഐക്കാരുടെ കേന്ദ്രമാണ‌് ബോംബ‌് കണ്ടെത്തിയ സ്ഥലം. കൊളവല്ലൂർ എസ‌്ഐ പ്രഷീദ‌്, വിജേഷ‌്, റിജു, ഷിനു, ബോംബ‌്സ്ക്വാഡിലെ ശിവദാസൻ, പ്രസീന്ദ്രൻ എന്നിവരും സംഘത്തിലുണ്ടായി.