ഡോളറിനെതിരെ മൂല്യം ഇടിഞ്ഞ് രൂപ. 75 രൂപയാണ് 1 ഡോള‍റിൻറെ മൂല്യം. ഡോളറിനെതിരെ 86 പൈസയാണ് രൂപയുടെ മൂല്യം ഇടിവ്. റെക്കോർഡ് മൂല്യം ഇടിവാണിത്.

ആ‍‍ര്‍ബിഐ ഇടപെടൽ വേണ്ടി വരുമെന്നാണ് സൂചന. ഡേളറിനെതിരെ 74.26 രൂപ എന്ന നിലവാരത്തിലായിരുന്നു നേരത്തെ ഡോളറിൻറെ മൂല്യം. 74.50 രൂപയായിരുന്നു മുമ്പിലത്തെ റെക്കോ‍ര്‍ഡ്. ഇടയ്ക്ക് രൂപ കരുത്താർജിച്ചെങ്കിലും പിന്നീട് വഴുതി വീഴുകയായിരുന്നു.

നിക്ഷേപകര്‍ കൂട്ടത്തോടെ കറന്‍സികള്‍ വിറ്റഴിച്ചതോടെ ഏഷ്യന്‍ കറന്‍സികളുടെ മൂല്യം ഇടിഞ്ഞു. ഡോളറിൻറെ മൂല്യം ഉയ‍ര്‍ന്നു. സ്വർണം, ഓഹരി, ബോണ്ട് എന്നിവയിലെ നിക്ഷേപം ആണ് നിക്ഷേപകർ വിറ്റഴിയ്ക്കുന്നത്.

രാജ്യാന്തര വിപണിയിൽ ഉൾപ്പെടെ സ്വർണ വില കുറഞ്ഞിട്ടുണ്ട്. സംസ്ഥാനത്ത് ഈ മാസത്തെ ഏറ്റവും താഴ്ന്ന നിരക്കിൽ ആണ് സ്വർണ വില. ക്രൂഡ് ഓയിൽ വിലയും ബാരലിന് 27 ഡോളറോളമായി കുറഞ്ഞിട്ടുണ്ട്.