പ്രധാനമന്ത്രിയുടെ ലോക് ഡൗൺ ഉത്തരവ് ലംഘിച്ച് ബി ജെ പി സംസ്ഥാന പ്രസിഡൻ്റ് കെ. സുരേന്ദ്രൻ നടത്തുന്ന യാത്ര വിവാദമാകുന്നു. 31ന് കോഴിക്കോട്ട് വാർത്താ സമ്മേളനം നടത്തിയ സുരേന്ദ്രൻ ഇന്ന് തിരുവനന്തപുരത്ത് വാർത്താ സമ്മേളനം നടത്തിയതോടെയാണ് ലോക് ഡൗൺ ലംഘനം പോലീസ് ശ്രദ്ധയിൽപ്പെട്ടത്. സേവാ ഭാരതിയുടെ ചാരിറ്റി പ്രവർത്തനങ്ങൾ നടത്താനെന്ന പേരിൽ യാത്രാ പെർമിറ്റ് സംഘടിപ്പിച്ച ഒരു വാഹനത്തിൻ്റെ മറവിലാണ് സഞ്ചാരം എന്നും പോലീസിന് വിവരം ലഭിച്ചു. ലോക് ഡൗൺ കാലത്ത് എല്ലാവരും വീട്ടിലിരിക്കണമെന്നാണ് ഉത്തരവ്‌. അത്യാവശ്യ കാര്യങ്ങൾക്ക്‌ മാത്രമേ പുറത്തിറങ്ങാവൂ. എന്നിട്ടും ഇതെല്ലാം അട്ടിമറിച്ചാണ് സുരേന്ദ്രൻ്റെ യാത്രയും വാർത്താ സമ്മേളനവും.