കേരളത്തില്‍ സ്കൂ​ളു​ക​ൾ ഉ​ട​ൻ തു​റ​ക്കി​ല്ലെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. സംസ്ഥാനത്തെ മു​ഴു​വ​ൻ വി​ദ്യാ​ല​യ​ങ്ങ​ളി​ലും ഹൈ​ടെ​ക് ക്ലാ​സ് റൂ​മു​ള്ള രാ​ജ്യ​ത്തെ ആ​ദ്യ​ത്തെ സം​സ്ഥാ​ന​മാ​യി കേ​ര​ളം മാ​റി​യ​ത് പ്ര​ഖ്യാ​പി​ക്കു​ന്ന ച​ട​ങ്ങി​ലാ​ണ് അ​ദ്ദേ​ഹം ഇ​ക്കാ​ര്യം വ്യ​ക്ത​മാ​ക്കി​യ​ത്.

ഇപ്പോഴുള്ള അവസ്ഥ മാറി സാ​ഹ​ച​ര്യം അ​നു​കൂ​ല​മാ​കു​മ്പോ​ൾ സ്കൂ​ളു​ക​ൾ തു​റ​ക്കും. അതുവരെ ഓൺലൈൻ ക്ലാസുകൾ തുടരുമെന്നും അദ്ദേഹം വ്യക്തമാക്കി. രാജ്യമാകെ നോക്കിയാല്‍ പൊ​തു​മേ​ഖ​ല​ക​ളി​ല്‍ നി​ന്ന് സ​ര്‍​ക്കാ​രു​ക​ള്‍ പി​ന്‍​മാ​റു​ന്ന സാ​ഹ​ച​ര്യ​മാ​ണു​ള്ള​ത്. ഈ പശ്ചാത്തലത്തിലാണ് സ​ര്‍​ക്കാ​ര്‍ ഇ​ട​പെ​ട്ടു​കൊ​ണ്ട് വി​ദ്യാ​ഭ്യാ​സ മേ​ഖ​ല​യെ എ​ങ്ങ​നെ ഒ​രു സ​വി​ശേ​ഷ​മാ​യ ജ​ന​കീ​യ മേ​ഖ​ല​യാ​ക്കി മാ​റ്റാം എ​ന്ന മാ​തൃ​ക കേ​ര​ളം കാ​ണി​ച്ചി​രി​ക്കു​ന്ന​ത്.

മികച്ച സൗകര്യമുള്ള സ്‌കൂളുകളില്‍ പഠിക്കുക എന്നത് ചില ഭാഗ്യവാന്മാര്‍ക്ക് മാത്രം പറ്റുന്നുവെന്ന കാര്യമെന്ന നിലയില്‍ നിന്നും പാവപ്പെട്ടവനും സാധ്യമാക്കുകയാണ് സര്‍ക്കാര്‍ ലക്ഷ്യമെന്നും മുഖ്യമന്ത്രി കൂട്ടിച്ചേര്‍ത്തു.
മുഖ്യമന്ത്രിയുടെ പ്രഖ്യാപനത്തോടെ, മുഴുവൻ പൊതുവിദ്യാലയങ്ങളിലും ഹൈടെക് ക്ലാസ് മുറികളുള്ള രാജ്യത്തെ ആദ്യ സംസ്ഥാനമായി കേരളം മാറി.

സര്‍ക്കാര്‍ സംസ്ഥാനത്തെ 16,027 സ്കൂളുകളിലായി 3,74,274 ഡിജിറ്റൽ ഉപകരണങ്ങളാണ് സ്മാർട് ക്ലാസ്റൂം പദ്ധതിക്കായി വിതരണം ചെയ്തത്. അതില്‍ തന്നെ 4752 ഹൈസ്കൂൾ ഹയർ സെക്കന്‍ററി സ്കൂളുകളിലായി 45,000 ഹൈടെക് ക്ലാസ് മുറികൾ ഒന്നാംഘട്ടത്തിൽ സജ്ജമാക്കി. പ്രൈമറി, അപ്പർ പ്രൈമറി തലങ്ങളിൽ 11,275 സ്കൂളുകളിൽ ഹൈടെക് ലാബും തയാറാക്കി. കൈറ്റിന്റെ നേതൃത്വത്തിൽ കിഫ്ബിയുടെ ധനസഹായത്തോടെയാണ് പദ്ധതി നടപ്പാക്കിയത്.