ഇടതുപക്ഷ ജനാധിപത്യ മുന്നണിയുടെ രാജ്യസഭാ സ്ഥാനാര്‍ത്ഥികള്‍ പത്രിക സമര്‍പ്പിച്ചു. ഡോ.വി ശിവദാസനും ജോണ്‍ ബ്രിട്ടാസും ആണ് വരണാധികാരിയായ നിയമസഭാ സെക്രട്ടറിക്കു മുന്നില്‍ നാമനിര്‍ദേശപത്രിക സമര്‍പ്പിച്ചത്.

സി. പി.ഐ. എം ആക്ടിംഗ് സെക്രട്ടറി എ. വിജയരാഘവന്‍, സി .പി. ഐ സെക്രട്ടറി കാനം രാജേന്ദ്രന്‍, കെ. എന്‍ ബാലഗോപാല്‍ അടക്കമുള്ള നേതാക്കള്‍ പത്രികാ സമര്‍പ്പണ വേളയില്‍ സന്നിഹിതരായിരുന്നു.കേരളത്തില്‍ ഒഴിവുവന്ന മൂന്ന് സീറ്റുകളിലേക്കുള്ള തിരഞ്ഞെടുപ്പ് ഈ മാസം 30നാണ്. ഒരു സീറ്റില്‍ യു. ഡി. എഫിനായി മുസ്ലിം ലീഗ് പ്രതിനിധി പി. വി അബ്ദുല്‍ വഹാബ് ആണ് സ്ഥാനാര്‍ത്ഥി.