നിയമസഭാ തെരഞ്ഞെടുപ്പിൽ എറണാകുളം ജില്ലയിലെ ബിജെപി പരാജയത്തിന് കാരണക്കാർ പ്രവർത്തകർ തന്നെയാണെന്ന് ജില്ലാ നേതൃത്വത്തിന്റെ വിലയിരുത്തൽ. പ്രവർത്തനങ്ങൾ കൃത്യമായി ഏകോപിപ്പിച്ച് നടപ്പിലാക്കാത്തത് വോട്ട് ചോർച്ചയ്ക്ക് ഇടയാക്കിയെന്നും രാഷ്ട്രീയ വിദ്യാഭ്യാസം ഇല്ലാത്തവരാണ് ജില്ലയിൽ പാർട്ടിയുടെ വിവിധ ഘടകങ്ങളിൽ നേതൃസ്ഥാനത്ത് ഉള്ളതെന്നും വിമർശനമുണ്ടായി.

ജില്ലാ തല അവലോകന യോഗത്തിലാണ് വിമർശനം. സ്ഥാനാർത്ഥി നിർണയത്തിൽ തൊട്ട് പിഴച്ചുവെന്നാണ് കണക്കുകൂട്ടൽ. നാല് ദിവസത്തെ അവലോകന യോഗമാണ് നടക്കുന്നത്. പരാജയത്തിന് പിന്നാലെ ജില്ലാ പ്രസിഡണ്ടിനെതിരെ പത്തോളം മണ്ഡലം പ്രസിഡണ്ടുമാർ യോഗം വിളിച്ച് ചേർത്തിരുന്നു.