കോവിഡ് ലോക്ക്ഡൗൺ ഈയാഴ്ച മാറ്റമില്ലാതെ തുടരുമെന്നു വ്യക്തമാക്കി സർക്കാർ ഉത്തരവിറക്കി. 24നും 25നും (ശനിയും ഞായറും) സമ്പൂർണ ലോക്ക്ഡൗൺ ആയിരിക്കുമെന്നും ചീഫ് സെക്രട്ടറി ഇറക്കിയ ഉത്തരവിൽ പറയുന്നു.ബക്രീദിന് മുന്നോടിയായി ലോക്ക്ഡൗണിൽ ഇളവു നൽകിയതിന് എതിരായ കേസിൽ സുപ്രീം കോടതി നടത്തിയ പരാമർശങ്ങൾ ചൂണ്ടിക്കാട്ടിയാണ് സർക്കാർ ഉത്തരവ്.

നിലവിൽ അനുവദിച്ചിട്ടുള്ളവ അല്ലാതെ മറ്റ് ഒരു വിധത്തിലുള്ള ഇളവുകളും അനുവദിക്കരുതെന്ന് ഉത്തരവിൽ വ്യക്തമാക്കിയിട്ടുണ്ട്.ശനിയും ഞായറും ഏർപ്പെടുത്തുന്ന സമ്പൂർണ ലോക്ക്ഡൗണിന് മുൻ ആഴ്ചയിലെ അതേ നിയന്ത്രണങ്ങളാവും ഉണ്ടാവുക. എല്ലാ ജില്ലകളിലെയും മൈക്രോ കണ്ടയ്ൻമെന്റ് സോണുകൾ കണ്ടെത്തി നിയന്ത്രണങ്ങൾ ഏർപ്പെടുത്താൻ ജില്ലാ കലക്ടർമാർക്ക് നിർദേശമുണ്ട്.