കനയ്യ കുമാർ സി പി ഐ വിട്ടത് അടഞ്ഞ അധ്യയമെന്ന് സി പി ഐ സംസ്ഥാന സെക്രട്ടറി കാനം രാജേന്ദ്രൻ. കനയ്യകുമാർ പാർട്ടി വിട്ട സാഹചര്യം കൗൺസിൽ ചർച്ച ചെയ്യുമെന്നും കാനം ദില്ലിയിൽ മാധ്യമങ്ങളോട് വ്യക്തമാക്കി.

മോൻസൻ കേസിൽ അന്വേഷണത്തിൽ വീഴ്ചയുണ്ടായാൽ മാത്രമേ വിമർശിക്കേണ്ട കാര്യമുള്ളൂവെന്നും കാനം പറഞ്ഞു. പൊലീസ് അന്വേഷിച്ച് എല്ലാം പുറത്തുകൊണ്ടുവരുമെന്ന വിശ്വാസമുണ്ട്. ബെഹ്‌റ രാജിവെക്കണമോയെന്നത് അദ്ദേഹത്തിൻറെ തീരുമാനമാണ്. പൊലീസുകാർക്ക് മാത്രമല്ല മാധ്യമപ്രവർത്തർക്കും മോൻസണുമായി ബന്ധമുണ്ടായിരുന്നുവെന്നും കാനം കൂട്ടിച്ചേർത്തു. സി പി ഐ ദേശീയ കൗൺസിൽ യോഗം ദില്ലിയിൽ തുടങ്ങിയിരിക്കുകയാണ്. മൂന്ന് ദിവസത്തേക്കാണ് യോഗം ചേരുന്നത്.