സംസ്ഥാനത്ത് ഇന്ധനവില ഇന്ന് വീണ്ടും കൂട്ടി. ഡീസലിന് 38 പൈസയും പെട്രോളിന് 30 പൈസയുമാണ് ഇന്ന് കൂട്ടിയത്. ഇതോടെ പെട്രോളിന് 106 രൂപ 69 പൈസയുമായി. കോഴിക്കോട് പെട്രോളിന് 105 രൂപ 22 പൈസയും ഡീസലിന് 98 രൂപ 53 പൈസയുമാണ് ഇന്നത്തെ വില. തിരുവനന്തപുരത്ത് ഡീസലിന് 100 രൂപ 21 പൈസയായി.

സംസ്ഥാനത്ത് ഇന്നലെയാണ് പെട്രോളിന് പിന്നാലെ ഡീസൽ വിലയും 100 കടന്നത്. ഇന്ധനവില കുതിച്ചുയരുന്നതിനിടെ ഡീസൽ വില 100 കടക്കുന്ന പന്ത്രണ്ടാമത് സംസ്ഥാനമാണ് കേരളം. 10 മാസത്തിനിടെ 20 രൂപയാണ് ഡീസലിന് വർധിപ്പിച്ചത്.