കേരളത്തിൽ കൊവിഡ് ബാധിച്ച് മരിച്ചവരുടെ ആശ്രിതർക്ക് ധനസഹായത്തിന് അപേക്ഷ ക്ഷണിച്ചു. മരിച്ചയാളുടെ ഏറ്റവും അടുത്ത ബന്ധുവാണ് അപേക്ഷിക്കേണ്ടത്. ഇതിനായി രൂപീകരിച്ച www.relief.kerala.gov.in എന്ന വെബ്സൈറ്റ് വഴി അപേക്ഷിക്കാമെന്ന് റവന്യു വകുപ്പ് വ്യക്തമാക്കി.

അപേക്ഷകന്റെ ആധാർ, ബാങ്ക് പാസ്ബുക്ക്, റേഷൻ കാർഡിന്റെ പകർപ്പ്, മരിച്ചയാളുടെ കൊവിഡ് മരണ സർട്ടിഫിക്കറ്റ് എന്നിവ വെബ്സൈറ്റിൽ അപ്ലോഡ് ചെയ്യണം. ഈ രേഖകൾ വില്ലേജ് ഓഫീസർ പരിശോധിച്ച് ജില്ലാ ദുരന്ത നിവാരണ അതോറിറ്റിക്ക് കൈമാറും. പരിശോധിച്ച് ധനസഹായം അനുവദിക്കും. ഒറ്റത്തവണയായി 50,000 രൂപയും ബി.പി.എൽ കുടുംബങ്ങളിലെ അർഹതപ്പെട്ടവർക്ക് പ്രതിമാസം 5000 രൂപ വീതം 36 മാസവുമാണ് ധനസഹായം അനുവദിക്കുക.