സിപിഎം സംസ്ഥാന സെക്രട്ടറിയേറ്റ് പി ജയരാജനെ ഖാദി ബോർഡ് വൈസ് ചെയർമാനാക്കാൻ തീരുമാനിച്ചു. സിപിഎം സഹയാത്രികനായിരുന്ന ചെറിയാൻ ഫിലിപ്പിന് നൽകാൻ തീരുമാനിച്ചിരുന്ന പദവിയിലേക്കാണ് ഇപ്പോൾ ജയരാജനെ പരിഗണിച്ചിരിക്കുന്നത്.

മുൻ സ്പീക്കർ പി ശ്രീരാമകൃഷ്ണൻ നോർക്ക വൈസ് ചെയർമാൻ ആകും. വരദരാജന്റെ പിൻഗാമിയായാണ് പി ശ്രീരാമകൃഷ്ണൻ നോർക്ക റൂട്‌സ് തലപ്പത്തേക്കെത്തുന്നത്. ശോഭനാ ജോർജിനെ ഔഷധി ചെയർപേഴ്‌സൻ ആക്കാനും തീരുമാനമായി.

ദേവസ്വം ബോർഡ് പ്രസിഡന്റ് എൻ വാസുവിന് കാലാവധി നീട്ടി നൽകേണ്ടതില്ലെന്നാണ് തീരുമാനം. നവംബർ 13 ന് നിലവിലെ ഭരണ സമിതിയുടെ കാലാവധി അവസാനിക്കുന്ന പശ്ചാത്തലത്തില്‍ പുതിയ ഭരണ സമിതിയുടെ കാര്യം തീരുമാനിക്കും.