കേരളത്തിലെ കോണ്‍ഗ്രസിലെ മുതിര്‍ന്ന നേതാക്കളായ ഉമ്മന്‍ ചാണ്ടിക്കും രമേശ് ചെന്നിത്തലക്കുമെതിരെ ഹൈക്കമാന്റിന് പരാതി നല്‍കി ഒരു വിഭാഗം നേതാക്കള്‍. പാര്‍ട്ടിയെ തകര്‍ക്കാനാണ് ഇരുവരുടെയും ശ്രമം എന്നാണ് പരാതിയില്‍ പറയുന്നത്.

ഈനേതാക്കള്‍ മക്കള്‍ക്ക് വേണ്ടിയാണ് തലമുറ മാറ്റത്തെ എതിര്‍ക്കുന്നതെന്നും പുന:സംഘടനക്കെതിരായ നീക്കത്തില്‍ നിന്ന് ഇവരെ പിന്തിരിപ്പിക്കണമെന്നും സോണിയ ഗാന്ധിക്ക് അയച്ച കത്തില്‍ പരാമര്‍ശിച്ചിട്ടുണ്ട്.
പുന:സംഘടനയെ കുറിച്ച് എതിര്‍പ്പ് പ്രകടമാക്കി കൊണ്ട് ഉമ്മന്‍ചാണ്ടി ഇന്ന് കോണ്‍ഗ്രസ് അധ്യക്ഷ സോണിയ ഗാന്ധിയെ നേരില്‍ കണ്ട് ചര്‍ച്ച നടത്തും.

ഇപ്പോൾ സംഘടന തെരഞ്ഞെടുപ്പ് പ്രഖ്യാപിച്ചിരിക്കുന്ന സമയത്ത് പുന:സംഘടന വേണ്ടെന്നും നടപടികള്‍ നിര്‍ത്തിവയ്ക്കണം എന്നും ആണ് ഉമ്മന്‍ചാണ്ടിയുടെയും രമേശ് ചെന്നിത്തലയുടെയും നിലപാട്.