കേന്ദ്ര സര്‍ക്കാരിന്റെ ദേശീയ വിദ്യാഭ്യാസനയം സാമൂഹ്യനീതിയുടെ കാര്യത്തില്‍ കുറ്റകരമായ മൗനം പുലര്‍ത്തുന്നു വിദ്യാഭ്യാസമന്ത്രി ആര്‍ ബിന്ദു.സാമൂഹ്യമായി ദുര്‍ബലരായ ജനവിഭാഗങ്ങളെ വിദ്യാഭ്യാസത്തിലൂടെ ശാക്തീകരിച്ച്‌ മുഖ്യധാരയിലേക്ക് കൊണ്ടുവരുന്ന വിഷയത്തില്‍ ഒരു ശുപാര്‍ശയും നയത്തില്‍ ഇല്ല.ജനസംസ്കൃതി സംഘടിപ്പിച്ച ‘ഉന്നതവിദ്യാഭ്യാസം കേരളത്തിന്റെ വീക്ഷണവും വെല്ലുവിളികളും’ സെമിനാറില്‍ സംസാരിക്കുകയായിരുന്നു മന്ത്രി.

വിദ്യാഭ്യാസമേഖലയില്‍ സാമ്പത്തികസഹായങ്ങള്‍ അനുവദിക്കല്‍ ഉള്‍പ്പെടെ സര്‍ക്കാരിന്റെ ചുമതലകളെക്കുറിച്ച്‌ നയത്തില്‍ കാര്യമായ പരാമര്‍ശങ്ങളില്ല.സംവരണത്തെക്കുറിച്ച്‌ ഒന്നും പറയുന്നില്ല. യുജിസിയെ വെറും നിര്‍ദേശങ്ങളും മാനദണ്ഡങ്ങളും നല്‍കാനുള്ള കമീഷനായി മാറ്റാനാണ് നീക്കമെന്നും മന്ത്രി പറഞ്ഞു.