കെഎസ്ആർടിസി ജീവനക്കാരുടെ ശമ്പള പരിഷ്കരണവുമായി ബന്ധപ്പെട്ട് തർക്കങ്ങൾ നിലനിൽക്കുന്നുണ്ടെന്ന് വ്യക്തമാക്കി ​ഗതാ​ഗത മന്ത്രി ആന്റണി രാജു. ചെറിയ കാര്യങ്ങളിലാണ് തർക്കമുള്ളത്. മറ്റ് വിഷയങ്ങളിൽ ധാരണയിലെത്തിയിട്ടുണ്ട്. തർക്ക വിഷയങ്ങളിൽ വീണ്ടും ചർച്ച നടത്തുമെന്നും മന്ത്രി അറിയിച്ചു.

ജനുവരി മൂന്നിനാണ് വീണ്ടും ചർച്ച. ജീവനക്കാർക്ക് പ്രഖ്യാപിച്ച പരിഷ്കരിച്ച ശമ്പള കൊടുത്തു തുടങ്ങുന്ന തീയതിക്ക് മാറ്റമുണ്ടാകില്ലെന്നും ഉടനെ ശമ്പള പരിഷ്കരണ ബിൽ ഒപ്പിടാൻ കഴിയുമെന്നാണ് പ്രതീക്ഷിക്കുന്നതെന്നും മന്ത്രി പറഞ്ഞു. കരാര്‍ ഒപ്പിടുന്നതിന് മുമ്പ് തുടര്‍ ചര്‍ച്ചകള്‍ വേണമെന്ന് കഴിഞ്ഞ ദിവസം കെഎസ്ആര്‍ടിസി സിഎംഡി വിളിച്ച ചര്‍ച്ചയില്‍ ആവശ്യപ്പെട്ടിരുന്നു.