കേന്ദ്രസാഹിത്യ അക്കാഡമി പുരസ്‌കാരം ജോര്‍ജ് ഓണക്കൂറിന്. ആത്മകഥയായ 'ഹൃദയരാഗങ്ങള്‍'ക്കാണ് പുരസ്‌കാരം ലഭിച്ചത്. ഒരു ലക്ഷം രൂപയും ഫലകവും അടങ്ങുന്നതാണ് പുരസ്‌കാരം. കെ.പി രാമനുണ്ണി, ഡോ. കെ.എസ് രവികുമാര്‍, ഡോ. എം. ലീലാവതി എന്നിവരടങ്ങുന്ന ജൂറിയാണ് പുരസ്‌കാരം നിര്‍ണയിച്ചത്.

ബാലസാഹിത്യ വിഭാഗത്തില്‍ രഘുനാഥ് പലേരിക്കാണ് പുരസ്‌കാരം. 'അവര്‍ മൂവരും ഒരു മഴവില്ലും' എന്ന കൃതിയാണ് പുരസ്‌കാരം നേടിക്കൊടുത്തത്. 50,000 രൂപയും ഫലകവും അടങ്ങുന്നതാണ് പുരസ്‌കാരം. കെ.ജി.പൗലോസ്, ജി.മധുസൂദനന്‍, പി.കെ.ഗോപി എന്നിവരടങ്ങുന്ന ജൂറിയാണ് ബാലസാഹിത്യ പുരസ്‌കാരം നിര്‍ണയിച്ചത്.

'ജക്കരന്ത'എന്ന കൃതിയിലൂടെ നോവലിസ്റ്റ് മോബിന്‍ മോഹന്‍ അക്കാഡമിയുടെ യുവ പുരസ്‌കാരത്തിന് അര്‍ഹനായി. 50,000 രൂപയും ഫലകവും അടങ്ങുന്നതാണ് പുരസ്‌കാരം.