സില്‍വര്‍ലൈന്‍ പദ്ധതി സംബന്ധിച്ച് നിഷേധാത്മക നിലപാട് കേന്ദ്രം സ്വീകരിച്ചിട്ടില്ല എന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ . കേന്ദ്രം കൂടി ചേര്‍ന്ന് തയ്യാറാക്കിയ പദ്ധതിയാണ് സില്‍വര്‍ലൈന്‍ എന്ന് അദ്ദേഹം പറഞ്ഞു.

പദ്ധതിയില്‍ നിന്ന് കേന്ദ്രവും റെയില്‍വേയും പിന്‍മാറിയിട്ടില്ല. ഈ വിഷയത്തില്‍ നിലവില്‍ ഉത്ക്കണ്ഠപ്പെടേണ്ട കാര്യമില്ല. എല്ലാ സംസ്ഥാനങ്ങളോടും ഇത്തരം പദ്ധതി ഏറ്റെടുക്കാന്‍ ആവശ്യപ്പെട്ടത് കേന്ദ്ര സർക്കാർ തന്നെയാണ്. സില്‍വര്‍ലൈന്‍ വിഷയത്തില്‍ ഗവര്‍ണര്‍ പദ്ധതിക്കെതിരായ നിലപാടെടുക്കില്ല. ഗവര്‍ണര്‍ തന്നെ നിയമാസഭാപ്രസംഗത്തില്‍ കെ റെയിലിന്റെ കാര്യം പറഞ്ഞതാണെന്നും അദ്ദേഹം ഓർമ്മപ്പെടുത്തി.