കേരളത്തിൽ ആരെയും കുടിയൊഴിപ്പിച്ചാകില്ല കെ റെയില്‍ പദ്ധതി നടപ്പിലാക്കുകയെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ഭൂമി ഏറ്റെടുക്കുന്നവര്‍ക്ക് ആശങ്ക വേണ്ടെന്നും ആരെയും കുടിയിറക്കില്ല, പകരം പുനരധിവസിപ്പിക്കുമെന്നും അദ്ദേഹം പറഞ്ഞു.

സിപിഎമ്മിന്റെ പാര്‍ട്ടി കോണ്‍ഗ്രസ് സെമിനാറില്‍ നിന്ന് അന്ധമായ സിപിഐ എം വിരോധം കൊണ്ടാണ് നേതാക്കളെ കോണ്‍ഗ്രസ് വിലക്കിയതെന്ന് കോടിയേരി പറഞ്ഞു. ഇവിടെ ബിജെപിക്കെതിരെ പ്രതികരിക്കാന്‍ കോണ്‍ഗ്രസ് തയ്യാറാകുന്നില്ലെന്നും, ബി ജെ പിക്കാരുടെ കയ്യടി നേടാനാണ് കോണ്‍ഗ്രസ് ശ്രമമെന്നും അദ്ദേഹം കൂട്ടിച്ചേർത്തു.