തൃക്കാക്കര ഉപതിരഞ്ഞെടുപ്പിലെ സ്ഥാനാര്‍ത്ഥി നിര്‍ണയവുമായി ബന്ധപ്പെട്ട ആരോപണങ്ങള്‍ തള്ളി സിപിഎം പോളിറ്റ് ബ്യൂറോ അംഗം എ വിജയരാഘവന്‍. ഇത് സംബന്ധിച്ച് സഭയുമായി ബന്ധപ്പെട്ട അടിസ്ഥാന രഹിതമാണെന്നും സ്ഥാനാര്‍ത്ഥിയെ കുറിച്ച് മറ്റൊന്നും പറയാനില്ലാത്തതിനാലാണ് ഇത്തരം ആരോപണങ്ങള്‍ ഉന്നയിക്കുന്നതെന്നും അദ്ദേഹം പറഞ്ഞു.

തൃക്കാക്കരയിലെ ഇടത് സ്ഥാനാര്‍ത്ഥിയായ ജോ ജോസഫ് സിപിഎം അംഗമാണ്. ജനങ്ങള്‍ ഇടതുപക്ഷത്തിന്റെ രാഷ്ട്രീയ നിലപാടുകള്‍ക്കൊപ്പം നില്‍ക്കുമെന്നും സഹതാപം വോട്ടാകുന്ന കാലം കഴിഞ്ഞുവെന്നും എ വിജയരാഘവന്‍ പറഞ്ഞു. ഡല്‍ഹിയില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം.