എൽഡിഎഫ്‌ പ്രകടനപത്രികയിൽ തദ്ദേശ, എക്‌സൈസ്‌ വകുപ്പുകളിൽ അഞ്ചുവർഷംകൊണ്ട്‌ നടപ്പാക്കുമെന്ന്‌ വാഗ്‌ദാനം ചെയ്‌തവയിൽ 31.64 ശതമാനം പദ്ധതികളും ആദ്യവർഷംതന്നെ യാഥാർഥ്യമായതായി തദ്ദേശസ്വയംഭരണ, എക്സൈസ് വകുപ്പ് മന്ത്രി എം വി ഗോവിന്ദൻ മാസ്റ്റർ . ഇരുവകുപ്പുകളിലുമായി 79 പദ്ധതിയാണ്‌ പ്രകടനപത്രികയിൽ വാഗ്‌ദാനം ചെയ്‌തിരുന്നത്‌. ഇതിൽ 25 എണ്ണവും യാഥാർഥ്യമാക്കി.

പഞ്ചായത്തുകളിൽ ഐഎൽജിഎം സോഫ്‌റ്റ്‌വെയർ സേവനം, ഏകീകൃത തദ്ദേശഭരണവകുപ്പ്‌, പ്രത്യേക നൈപുണ്യപോഷണപരിപാടി, ഭക്ഷ്യ ഉൽപ്പന്നങ്ങൾ വികേന്ദ്രീകൃതമായി ഉൽപ്പാദിപ്പിച്ച്‌ ബ്രാൻഡ്‌ ചെയ്‌ത്‌ വിപണിയിലെത്തിക്കൽ, തൊഴിലുറപ്പ്‌ തൊഴിലാളി ക്ഷേമനിധി, അതിദരിദ്രരെ കണ്ടെത്തൽ, വാർഡ്‌ വികസന സമിതികൾ ശക്തിപ്പെടുത്തൽ, വാതിൽപ്പടി സേവനം, എക്‌സൈസ്‌ വകുപ്പിൽ ഓൺലൈൻ സർവീസ്‌ തുടങ്ങിയവ ഇതിൽ പ്രധാനപ്പെട്ടതാണ്‌.

സർക്കാരിന്റെ ഒന്നാം വാർഷികത്തിന്റെ ഭാഗമായുള്ള രണ്ടാം നൂറുദിന കർമപരിപാടിയിൽ തദ്ദേശ, എക്‌സൈസ്‌ വകുപ്പുകൾ പൂർത്തീകരിക്കേണ്ടിയിരുന്ന 54 പദ്ധതിയിൽ 11 എണ്ണം ഉദ്‌ഘാടനം ചെയ്‌തു. രണ്ട്‌ പദ്ധതി സാങ്കേതിക കാരണങ്ങളാൽ യാഥാർഥ്യമാക്കാനായില്ല. ബാക്കി 41 പദ്ധതി 20നകം ഉദ്‌ഘാടനം ചെയ്യുമെന്നും അദ്ദേഹം അറിയിച്ചു.