മുഖ്യമന്ത്രിക്കെതിരായ കെ സുധാകരന്റെ പ്രസ്താവന അബദ്ധത്തിൽ സംഭവിച്ച അധിക്ഷേപമല്ലെന്ന് സംസ്ഥാന വ്യവസായ മന്ത്രി പി രാജീവ് വിമർശിച്ചു. മുൻപ് ചെത്തുകാരന്റെ മകനെന്ന് മുഖ്യമന്ത്രിയെ സുധാകരൻ വിശേഷിപ്പിച്ചിരുന്നു. വോട്ടർമാരെ പരിഹസിക്കുന്ന നിലപാടാണിത്.

അധിക്ഷേപം അടഞ്ഞ അധ്യായമല്ല. തദ്ദേശ ഉപതെരഞ്ഞെടുപ്പിൽ തൃപ്പൂണിത്തുറയിൽ കോൺഗ്രസിന്റെ വോട്ട് ബിജെപിക്ക് പോയി. എന്തുകൊണ്ടാണ് അതെന്ന് കാത്തിരുന്ന് കാണാമെന്നും പി രാജീവ് പറഞ്ഞു. അതേസമയം, കെ സുധാകരന്റെ പ്രസ്താവന പ്രകോപനമുണ്ടാക്കി നേട്ടം കൊയ്യാനുള്ള ശ്രമമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ കുറ്റപ്പെടുത്തി.