കോണ്‍ഗ്രസിനെതിരായ വാര്‍ത്തയില്‍ പോലും ഡിവൈഎഫ്‌ഐ നേതാക്കളെ വ്യക്തിഹത്യ ചെയ്ത് മനോരമ
അഡ്മിൻ
ഡിവൈഎഫ്‌ഐ നേതാക്കള്‍ക്കെതിരെ കള്ളപ്രചരണവുമായി മനോരമ. വ്യാജവീഡിയോക്കേസ് വാര്‍ത്തയില്‍ ഡിവൈഎഫ്‌ഐ നേതാക്കളുടെ ചിത്രം പതിപ്പിച്ച് വാര്‍ത്ത നല്‍കി മനോരമ. വിഷയത്തില്‍ വന്‍ വിമര്‍ശനമുയര്‍ന്നതോടെ വാര്‍ത്ത പിന്‍വലിച്ച് മാപ്പ് പറഞ്ഞിരിക്കുകയാണ് ചാനല്‍. കോണ്‍ഗ്രസിനെതിരായ വാര്‍ത്തയില്‍ പോലും ഡിവൈഎഫ്‌ഐ നേതാക്കളെ വ്യക്തിഹത്യ ചെയ്യുകയാണ് മനോരമയെന്നും വിമര്‍ശനമുയര്‍ന്നു.
ജോ ജോസഫിനും ഭാര്യ ദയ പാസ്‌കലിനും കുടുംബത്തിനുമെതിരായ വ്യാജ വീഡിയോ പ്രചരിപ്പിച്ച കേസില്‍ കസ്റ്റഡിയിലായവര്‍ കോണ്‍ഗ്രസ് പ്രവര്‍ത്തകരാണെന്നുള്ള വിവരം പൊലീസ് തന്നെ സ്ഥിരീകരിച്ചതാണ്. വ്യാജ പ്രൊഫൈലുകള്‍ സൃഷ്ടിച്ച് വ്യാജ വീഡിയോ പ്രചരിപ്പിച്ചതിന് പിന്നില്‍ വ്യക്തമായ കോണ്‍ഗ്രസ് ഗൂഢാലോചനയും പുറത്തുവന്നതാണ്.
വ്യാജവീഡിയോക്കേസ് വാര്‍ത്തയില്‍ നല്‍കിയ പ്രതീകാത്മക ചിത്രം ഡിവൈഎഫ്‌ഐ ഭാരവാഹികളുടെ വാര്‍ത്താസമ്മേളനം. വാര്‍ത്തകള്‍ക്ക് ചിത്രം ലഭിക്കാതാകുമ്പോള്‍ പ്രതീകാത്മ ചിത്രം നല്‍കാറുണ്ടെങ്കിലും ഇത്തരമൊരു വാര്‍ത്തയില്‍ ഡിവൈഎഫ്‌ഐ നേതാക്കളുടെ ചിത്രം വയ്ക്കുന്നതിലൂടെ എന്താണ് മനോരമ ഉദ്ദേശിക്കുന്നതെന്ന് ചോദ്യമുയര്‍ന്നിരുന്നു.
