സ്വപ്‌നാ സുരേഷ് ഉയർത്തിയ ആരോപണങ്ങളെ പരിഹസിച്ച് കെ.ടി ജലീൽ
അഡ്മിൻ
മുംബൈ ആസ്ഥാനമായി പ്രവര്‍ത്തിക്കുന്ന ഫ്‌ളൈ ജാക്ക് ലോജിസ്റ്റിക്‌സ് കമ്പനി ഉടമ മാധവ വാര്യര്‍ ബിനാമിയാണെന്ന സ്വപ്‌നാസുരേഷിന്റെ ആരോപണത്തെ പരിഹസിച്ച് മുന്‍ മന്ത്രി കെ ടി ജലീല്‍ എംഎല്‍എ. 'തിരുനാവായക്കാരന്‍ മാധവ വാര്യരായത് നന്നായി. വല്ല കുഞ്ഞിപ്പോക്കരിന്റെയോ മറ്റോ പേര് പറഞ്ഞിരുന്നെങ്കില്‍ കെണിഞ്ഞേനെ!' എന്ന് കെ ടി ജലീല്‍ ഫേസ്ബുക്കില്‍ കുറിച്ചു.
കോണ്‍സുല്‍ ജനറലുമായി അടുത്ത ബന്ധമുള്ള കെ ടി ജലീല്‍ 17 ടണ്‍ ഈന്തപ്പഴം സംസ്ഥാനത്ത് എത്തിച്ചുവെന്നും മുംബൈയിലെ ഫൈ്‌ളജാക്ക് ലോജിസ്റ്റിക്‌സ് വഴിയാണ് കെ ടി ജലീല്‍ ഈന്തപ്പഴം ഇറക്കുമതി ചെയ്തത് എന്നുമായിരുന്നു സത്യവാങ്മൂലത്തില്‍ സ്വപ്ന പറയുന്നത്.
ഫൈ്‌ളജാക്ക് ലോജിസ്റ്റിക് കമ്പനിയുടമ മാധവ വാര്യര്‍ കെ ടി ജലീലിന്റെ ബിനാമിയാണെന്ന് കോണ്‍സുല്‍ ജനറല്‍ തന്നോട് പറഞ്ഞിട്ടുണ്ടെന്നും സ്വപ്ന സത്യവാങ്മൂലത്തില്‍ പറയുന്നുണ്ട്. ഇതിന് പിന്നാലെയാണ് ജലീലിന്റെ പ്രതികരണം.
