മന്ത്രി സജി ചെറിയാന്റെ പ്രസംഗം സദുദ്ദേശപരമെന്ന് ഇടത് മുന്നണി കണ്‍വീനര്‍ ഇ പി ജയരാജന്‍ . സജി ചെറിയാന്റെ പരാമര്‍ശത്തില്‍ ദുരുദ്ദേശമില്ലെന്നും പ്രസംഗത്തില്‍ ഒരു തെറ്റുമില്ലെന്നും അദ്ദേഹം കൂട്ടിച്ചേര്‍ത്തു. സജി ചെറിയാന്‍ കൂറു പുലര്‍ത്തി പ്രവര്‍ത്തിക്കുന്ന മന്ത്രിയാണ്.

ഇപ്പോൾ വിവാദമുണ്ടാക്കുന്നത് കോണ്‍ഗ്രസിന് വേറെ പണിയില്ലാത്തതിനാലാണെന്നും ഇ പി ജയരാജന്‍ പറഞ്ഞു. രാജ്യത്തിന്റെ ഭരണഘടനയോടും ജനാധിപത്യത്തിനോടും കൂറുപുലര്‍ത്തി പ്രവര്‍ത്തിക്കുന്ന മന്ത്രിയാണ് സജി ചെറിയാനെന്നും അതേസമയം ഭരണഘടന ലംഘിച്ച് അടിയന്തരാവസ്ഥ പ്രഖ്യാപിച്ചവരാണ് കോണ്‍ഗ്രസെന്നും ഇ പി ജയരാജന്‍ കൂട്ടിച്ചേര്‍ത്തു.