സംസ്ഥാന സർക്കാർവഴി ബൽജിയത്തിലേക്ക്‌ കൂടുതൽ നഴ്‌സുമാരെ(nurses) റിക്രൂട്ട്‌ ചെയ്യുമെന്ന്‌ മന്ത്രി വി ശിവൻകുട്ടി അറിയിച്ചു. ഇതിന്റെ ഭാഗമായി നഴ്‌സുമാർക്ക്‌ ഡച്ച്‌ ഭാഷയിൽ ആറുമാസ പരിശീലനം നൽകും. ആദ്യ ബാച്ച്‌ ഓഗസ്‌റ്റിൽ ആരംഭിക്കുമെന്നും മന്ത്രി വ്യക്തമാക്കി.

ബൽജിയം പ്രതിനിധികളുമായുള്ള ചർച്ചയിൽ സംസാരിക്കുകയായിരുന്നു അദ്ദേഹം. ഒഡിഇപിസി ചെയർമാൻ കെ പി അനിൽകുമാർ, എംഡി കെ എ അനൂപ്‌ എന്നിവരും പങ്കെടുത്തു. റിക്രൂട്ട്‌മെന്റിന്റെ ഭാഗമായി നഴ്‌സുമാർക്ക് 6 മാസത്തേക്ക് ഡച്ച് ഭാഷയിൽ പരിശീലനം നൽകുമെന്നും ആദ്യ ബാച്ച് 2022 ഓഗസ്റ്റിൽ ആരംഭിക്കുമെന്നും അദ്ദേഹം ഫേസ്ബുക്കിൽ കുറിച്ചു.