ആർഎസ്എസ് പരിപാടിയിൽ പങ്കെടുത്തത് എന്തിനെന്ന് വി ഡി സതീശൻ വിശദീകരിക്കണമെന്ന് സംസ്ഥാന ധനമന്ത്രി കെ എൻ ബാലഗോപാൽ. ഞാൻ ആണെങ്കിൽ പോകില്ലായിരുന്നു എന്ന രമേശ് ചെന്നിത്തലയുടെ നിലപാട് പ്രസക്തമാണ്.

ബിജെപിയും കോൺഗ്രസും തമ്മിൽ രഹസ്യമായും പരസ്യമായും ബന്ധമുണ്ടെന്നും ബിജെപി രാവിലെ പറയുന്നത് പ്രതിപക്ഷ നേതാവും പ്രതിപക്ഷവും ഉച്ചയ്ക്ക് പറയുന്ന അവസ്ഥയാണുള്ളതെന്നും മന്ത്രി പറഞ്ഞു. മന്ത്രി സജി ചെറിയാന്‍ ഭരണഘടനയ്‌ക്കെതിരെ നടത്തിയ പ്രസംഗം ഗോള്‍വാള്‍ക്കറിന്റെ പുസ്തകത്തിലുള്ളതാണെന്ന് വി ഡി സതശന്‍ പറഞ്ഞിരുന്നു. ഇതേ തുടര്‍ന്നാണ് ധനമന്ത്രിയുടെ പ്രതികരണം. വി ഡി സതീശന്‍ കാര്യങ്ങള്‍ തുറന്നു പറയണമെന്നും മന്ത്രി ആവശ്യപ്പെട്ടു.