കേരളത്തിൽ കുരങ്ങുപനിയുമായി ബന്ധപ്പെട്ട് ആശങ്കപ്പെടേണ്ട സാഹചര്യം നിലവിലില്ലെന്ന് ആരോഗ്യമന്ത്രി വീണ ജോർജ്. എന്നാൽ കൊറോണയുമായി ബന്ധപ്പെട്ട് സ്വീകരിച്ച് വരുന്ന മൻകരുതൽ നടപടി ഈ രോഗത്തെ പ്രതിരോധിക്കുന്നതിന് വേണ്ടിയും തുടരണമെന്ന് വീണ് ജോർജ്ജ് പറഞ്ഞു. എല്ലാവരും മാസ്ക് ധരിക്കുകയും സാമൂഹിക അകലം പാലിക്കുകയും വേണം.

ജനങ്ങളിൽ അവബോധം സൃഷ്ടിക്കുന്നതിനും അതോടൊപ്പം ആശങ്കകൾ ദുരീകരിക്കുന്നതിനും എംഎൽഎമാരുടേ സഹകരണവും ഇടപെടലുകളും ഉണ്ടാകേണ്ടത് അനിവാര്യമാണെന്നും ആരോഗ്യമന്ത്രി പറഞ്ഞു. ജനപ്രതിനിധികൾ പൊതുജാഗ്രതയുണ്ടാക്കണമെന്നും മന്ത്രി വ്യക്തമാക്കി.

ആലപ്പുഴയിൽ സംശയിക്കപ്പെട്ട മങ്കിപോക്‌സ് കേസ് നെഗറ്റീവ് ആണ്. ആദ്യ കേസിന്റെ ഏറ്റവും അടുത്ത പ്രൈമറി കോൺടാക്ടുകളായ കുടുംബാംഗങ്ങൾക്കും നെഗറ്റീവാണ്. നിലവിൽ രോഗം സ്ഥിരീകരിച്ച രണ്ട് പേരുടേയും ആരോഗ്യ നില തൃപ്തികരമാണ്. കോൺടാക്ടിൽ ആർക്കും രോഗ ലക്ഷണങ്ങളില്ലെന്നും ആരോഗ്യമന്ത്രി വ്യക്തമാക്കി.