രാജ്യത്തെ രാ​ഷ്ട്ര​പ​തി തെ​ര​ഞ്ഞെ​ടു​പ്പി​ൽ ദ്രൗപദി മുർമുവിന് വോട്ട് ചെയ്യാൻ ആഗ്രഹിച്ചിരുന്നതായി കോൺഗ്രസ് എം.പി കൊടിക്കുന്നില്‍ സുരേഷ്. എന്നാൽ, പാര്‍ട്ടിയുടെ തീരുമാന പ്രകാരമാണ് താൻ വോട്ട് ചെയ്തത്. ഗോത്ര വിഭാഗത്തിൽ നിന്ന് ഒരാൾ തെരഞ്ഞെടുക്കപ്പെട്ടതില്‍ അഭിമാനമുണ്ടെന്നും കൊടിക്കുന്നില്‍ സുരേഷ് മാധ്യമങ്ങളോട് പറഞ്ഞു.

അതേസമയം, രാ​ഷ്ട്ര​പ​തി തെ​ര​ഞ്ഞെ​ടു​പ്പി​ൽ കേരളത്തിൽ നിന്ന് ക്രോ​സ് വോ​ട്ടി​ങ് നടന്നത് വിവാദത്തിന് വഴിവെച്ചിട്ടുണ്ട്. പ്ര​തി​പ​ക്ഷ സ്ഥാ​നാ​ർ​ഥി യ​ശ്വ​ന്ത്​ സി​ൻ​ഹ​ക്ക് വോ​ട്ട് ചെ​യ്യേ​ണ്ടി​യി​രു​ന്ന 140 എം.​എ​ൽ.​എ​മാ​രി​ൽ ഒ​രാ​ൾ എ​ൻ.​ഡി.​എ സ്ഥാ​നാ​ർ​ഥി ദ്രൗ​പ​ദി മു​ർ​മു​വി​ന്​ വോ​ട്ട് ചെ​യ്തു. 140ൽ 139 ​വോ​ട്ടു​ക​ൾ യ​ശ്വ​ന്ത്​ സി​ൻ​ഹ​ക്ക്​ ല​ഭി​ച്ച​പ്പോ​ൾ ഒ​രു വോ​ട്ട്​ മു​ർ​മു​വി​ന്​ വീ​ണു.

അ​തേ​സ​മ​യം, പ​ശ്ചി​മ ബം​ഗാ​ളി​ൽ​ നി​ന്ന്​ ​ചേ​രി​മാ​റി ഒ​രു വോ​ട്ടു​ പോ​ലും മു​ർ​മു​വി​ന്​ വീ​ണി​ല്ല. 294ൽ 216 ​വോ​ട്ടും സി​ൻ​ഹ​ക്ക്​ ല​ഭി​ച്ചു. അ​സ​മി​ലാ​ണ്​ ഏ​റ്റ​വും കൂ​ടു​ത​ൽ എം.​എ​ൽ.​എ​മാ​ർ ചേ​രി​മാ​റി എ​ൻ.​ഡി.​എ​ക്ക്​ വോ​ട്ടു ചെ​യ്ത​ത്. 20 വോ​ട്ട്​ മാ​ത്ര​മേ അ​വി​ടെ യ​ശ്വ​ന്ത്​ സി​ൻ​ഹ​ക്ക്​ ല​ഭി​ച്ചു​ള്ളൂ.