2014-15 മുതൽ 2021-22 വരെയുള്ള എട്ട് വർഷങ്ങൾക്കിടയിൽ വിവിധ കേന്ദ്ര സർക്കാർ ജോലികളിലേക്കായി 22.05 കോടി അപേക്ഷകൾ ലഭിച്ചതിൽ 7.2 ലക്ഷം ആളുകൾക്ക് മാത്രമാണ് ജോലി നൽകിയത് എന്നുള്ള കണക്കാണ് ഇപ്പോൾ പുറത്തു വന്നിരിക്കുന്നതെന്ന് സിപിഎം ജനറൽ സെക്രട്ടറി സീതാറാം യെച്ചൂരി .

അതായത് രാജ്യത്തെ തൊഴിൽ നിരക്ക് വെറും 0.33% മാത്രമാണ് എന്നർത്ഥം. ലക്ഷക്കണക്കിന് ഒഴിവുകളുണ്ടായിട്ടും അതിലേക്കൊന്നും ഉദ്യോഗാർഥികളെ നിയമിക്കാതിരിക്കുന്നതു വഴി യുവാക്കൾക്ക് അർഹതപ്പെട്ട തൊഴിലവസരങ്ങൾ നിഷേധിക്കപ്പെടുകയാണെന്ന് അദ്ദേഹം പറഞ്ഞു. വർധിച്ചുവരുന്ന തൊഴിലില്ലായ്മയ്ക്ക് പരിഹാരം കണ്ടെത്താൻ ബിജെപി സർക്കാർ പരാജയപ്പെട്ടിരിക്കുകയാണ്. മോദി സർക്കാർ രാജ്യത്തെ യുവജനങ്ങളെ യഥാർത്ഥത്തിൽ വഞ്ചിക്കുകയാണെന്നും അദ്ദേഹം കൂട്ടിച്ചേർത്തു.