കാൾ മാർക്‌സിനെ അധിക്ഷേപിച്ച് എംകെ മുനീർ എംഎൽഎ. കോഴിക്കോട്ട് നടന്ന എം.എസ്.എഫ് സംസ്ഥാന കാമ്പയിന്റെ സമാപന സമ്മേളനത്തിൽ മതവും മാർക്‌സിസവും എന്ന വിഷയത്തിൽ സംസാരിക്കവെയാണ് കാൾ മാർക്‌സിനെതിരെ എംകെ മുനീർ അധിക്ഷേപകരമായ പരാമർശം നടത്തിയത്.

മാർക്സിനെപ്പോലെ ഇത്രയും വൃത്തിഹീനമായ മനുഷ്യൻ ഈ ഭൂലോകത്ത് വേറേ ഉണ്ടായിട്ടില്ല, മദ്യത്തിന് അടിമയായിരുന്നു അദ്ദേഹം തുടങ്ങിയ പരാമർശങ്ങളാണ് മുനീർ നടത്തിയത്.കുളിക്കില്ല, പല്ല് തേയ്ക്കില്ല, കുപ്പായം മാറ്റില്ല തുടങ്ങിയവയാണ് മാർക്സിന്റെ പ്രത്യേകതയെന്നും അദ്ദേഹം പറഞ്ഞു.

കാൾ മാർക്സിന്റെ ഭാര്യയും വീട്ടുജോലിക്കാരിയായ ഹെലൻ ദമൂത്തും ഒരുമിച്ചാണ് ​ഗർഭിണിയായത്.വീട്ടുജോലിക്കാരിയുടെ കുഞ്ഞ് കാൾ മാർക്സിനെ വാർത്തുവെച്ചതുപോലെയാണ്. ഇതൊക്കെ ചരിത്ര പുസ്തകത്തിലുള്ളതാണെന്നും മുനീർ പറയുന്നു.