ലോകായുക്ത ഓർ‍ഡ‍ിനൻസിന്റെ വിഷയത്തിൽ കടുംപിടുത്തം വിട്ട് ഭേദഗതി നിർദ്ദേശിക്കാൻ സിപിഐ ധാരണയിലെത്തി. ഓർഡിനൻസ് ഇടതുമുന്നണിയിൽ ചർച്ച ചെയ്യുമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ പറഞ്ഞു. ഇക്കാര്യത്തിൽ എല്ലാവർക്കും യോജിച്ച ഒരു പരിഹാരത്തിലേക്ക് എത്തും. ചർച്ച ചെയ്ത് ധാരണയിൽ എത്തുമെന്നും കാനം കൂട്ടിച്ചേർത്തു.

സംസ്ഥാന ഗവർണർ ഭേദഗതി ഓർഡിനൻസ് തള്ളിയതോടെ നിയമസഭാ സമ്മേളനം വിളിക്കാൻ നിർബന്ധിതമായ സാഹചര്യമാണിപ്പോൾ സർക്കാർ നേരിടുന്നത്. ഇത് കാരണമാണ് എതിർപ്പ് മയപ്പെടുത്താൻ സിപിഐ തീരുമാനിച്ചത്. അഴിമതി തെളിഞ്ഞാൽ പൊതുപ്രവർത്തകരെ സ്ഥാനത്തുനിന്നും അയോഗ്യരാക്കുന്ന ലോകായുക്ത നിയമത്തിലെ പതിനാലാം വകുപ്പ് എടുത്തുകളയുന്നതാണ് സർക്കാർ ഓർഡിനൻസ്.