അവധിദിനത്തിൽ സംസ്ഥാനത്തുടനീളം തദ്ദേശ സ്വയംഭരണ സ്ഥാപനങ്ങൾ പ്രവർത്തിക്കണമെന്ന് ഉത്തരവിട്ട വകുപ്പ് മന്ത്രിയും വകുപ്പ് തലവൻമാരും ഞായറാഴ്ച പ്രവൃത്തിദിനമാക്കി മാതൃകയായി. തദ്ദേശ സ്വയംഭരണ വകുപ്പിലെ കോർഡിനേഷൻ കമ്മിറ്റി യോഗം ഞായറാഴ്ച ചേർന്നു.

മന്ത്രി എം.വി.ഗോവിന്ദൻമാസ്റ്ററുടെ അദ്ധ്യക്ഷതയിൽ നടന്ന യോഗത്തിൽ അഡീഷണൽ ചീഫ് സെക്രട്ടറി ശാരദാ മുരളീധരൻ, പ്രിൻസിപ്പൽ സെക്രട്ടറി ഡോ.ഷർമിള മേരി ജോസഫ്, പ്ലാനിംഗ് ബോർഡംഗം ഡോ.ജിജു.പി.അലക്സ്, കില ഡയറക്ടർ ഡോ.ജോയ് ഇളമൺ, വകുപ്പിലെ മറ്റ് ഐഎഎസ് ഉദ്യോഗസ്ഥർ, വിവിധ വകുപ്പ് തലവന്മാർ, സ്റ്റേറ്റ് റിസോഴ്സ് ഗ്രൂപ്പ് പ്രതിനിധികൾ തുടങ്ങിയവർ പങ്കെടുത്തു.

കഴിഞ്ഞ ദിവസം രാവിലെ 10:15ന് ആരംഭിച്ച യോഗം ഉച്ചയ്ക്ക് 1:30നാണ് അവസാനിച്ചത്. യോഗം വിവിധ വിഷയങ്ങളിലായി 83 അജണ്ടകൾ പരിഗണിച്ച് തീരുമാനമെടുത്തു.