കേരളത്തിൽ ബിജെപി അധികാരത്തിലെത്തുമെന്ന പരാമർശം നടത്തിയ കേന്ദ്ര ആഭ്യന്തര മന്ത്രി അമിത് ഷാക്കെതിരെ പരിഹാസവുമായി സിപിഎം പോളിറ്റ് ബ്യൂറോ അംഗം എം എ ബേബി. കേരളത്തിൽ താമര വിടരും എന്നത് അമിത് ഷായുടെ ദിവാ സ്വപ്നം മാത്രമാണ്. കേരളത്തിലെ ആകെയുള്ള ഒരു മണ്ഡലത്തിലും താമര കൊഴിഞ്ഞു പോയത് ഷാ അറിഞ്ഞില്ലേയെന്നും അദ്ദേഹം ചോദിച്ചു.

രാജ്യത്ത് ബിജെപി വളരുന്നത് എംഎൽഎമാരെ പണം നൽകി വാങ്ങി കൂട്ടിയെന്നും ബേബി കുറ്റപ്പെടുത്തി.
കഴിഞ്ഞ ദിവസം തിരുവനന്തപുരത്ത് പട്ടികജാതി മോർച്ചയുടെ പട്ടികജാതി സംഗമത്തില്‍ സംസാരിക്കുന്നതിനിടെയായിരുന്നു കേരളത്തിലും താമര വിടരും എന്ന് അമിത് ഷാ പറഞ്ഞത്.